♥November favorites - مفظلاتي لشهر نوفمبر♥

.

 صباحكم خير

بما ان البوست الاخير كان طوييل هاذا بيكون بسيط وخفيف ان شالله

يله نشوف مفظلاتي الصغيره لشهر نوفمبر


 

 

فرشه / بدي شوب

ميزتها انها خشبيه مب بلاستيك

زي ماتعرفون البلاستيك تجيب التقصف للشعر

 فأسوء شين تمشطين شعرك بالفرش اللي بالسوق

دايم اختاري اللي تكون خشب ولو كانت اغلى من الباقي

خفيفه وبعد حجمها مناسب ولونها جميل

تقريبن 50 ريال/ بدي شوب

مزيل الميك اب / لوريال

اعتبره من احسن اللي جربت لتنظيف الميك اب

يشيل الميك اب وينظف البشره بدون مايترك دهون

ولطيف على منطقة العين وينفع مره للعيون الحساسه
ماتوقع فيه احد عيونه حساسه كثر عيوني عشان كذا استخدموه وانتم متطمنين

فيه نوع ثاني منه مخصص للشفايف والعيون

ينفع للارواج الثابته يشيلها بدون تعب ومعاناه

فأنصحكم فيه اذا انتم مثلي ماترتاحون لمناديل تنظيف الوجه

ماتذكر بس ممكن 30 ريال

بالصدليات والهايبر ماركتس

روج من كولكشن سيفورا R23

ما اعرف بالظبط كيف اوصف لونه لكن اقدر اقول ارجواني؟ موف؟

شوفو السواتش احسن

الروج كريمي فما بيجفف شفايفك

مرات استخدمه طبطبه خفييفه يعطيني لون وردي طبيعي♥
حلو جدن للصباحات السعيده

 بالغالب الارواج الغامقه ما احب انها تكون كريميه لأن يبيلها دقه عشان ماتسيح

او تطلع برا ويصير شكلها غلط

بالنسبه لي اشوف انه احسن لو تكون مات

لكن هاذا عجبني وصرت اوزعه بالفرشه عشان يطلع تمام

ارواج سيفورا اكثر شي يعجبني فيها تنوع الالوان وقوامها

سعره تقريبن 80 ريال / سيفورا

وبس كذا

اتمنى لو جربتو شي من اللي فوق تقولون لي رايكم وتجربتكم

اشوفكم على خير

 

::

 Hey pretties

these r my few products i liked in november

a brush from The Body Shop

this is a wooden comb not a plastic made

and that is the best thing about this brush

as u know the plastic brush could damage ur hair

and cause many problems.

i also like the size

50 s.r

The Body Shop

Loreal gentle makeup remover

this product is my fav.

it gently removes makeup as well as cleans delicate eye area

and  its suitable for sensitive eyes

with a pro-vitamin formula

there is another type of it

the other is suitable for eyes&lips

removes long lasting lipsticks easily and quickly

i've tried them all and feel really satisfied

 (since i dont like to use wipes that much)

 30 s.r

Hyper Markets&Pharmacies

Sephora lipstick in 23

a deep reddish plum lipstick
*see the swatch*

its creamy so it wont dry out ur lips

i usually prefer to use a matte lipstick for dark colors

cuz i believe that they have to be matte to avoid moving

but i loved this one and use it with a brush

if u prefer to use it directly u need to be precise

tip: sometimes -specially in the morning- i softly pat it

on my lips to get a natural pinky color

sephora has various rouge colors and thats what i love

it costs around 80 s.r

at Sephora stores

thats all

i hope u try it and i'll be more than happy to hear ur feedback

ciao

skin prep - تهيئة البشره قبل الميك اب

صباحكم رايق مثلكم

كيف نهيأ البشره؟
 كثير بنات يعانون من قشور بالوجه او ميك اب باهت كأنه غبار

مع انها تشتري اغلى واحسن ميك اب

السبب لأنك ماهيئتي بشرتك قبل ماتبدين

هالخطوه مهمه عشان توصلين لنتيجه حلوه بالميك اب
ووجه صافي ونظيف
تعالو نشوف وش لازم نسوي

cleanser:
غسول الوجه او منظف للبشره يشيل عنها الغبار والاوساخ
ويستخدم بشكل يومي
ممكن يكون جل وممكن سائل او رغوه
اختاريه حسب نوع بشرتك لو دهنيه يتحكم بالدهون
ولو جافه مايجففها اكثر
غسولي سيتافيل ظريف ولطيف للبشره الحساسه

scrub:
اللي هو المقشر وظيفته يشيل الجلد الميت والطبقه المتراكمه على الجلد

 ظروري تسوينه مره الى مرتين كل اسبوع

بالنسبه لي ستيفز افظل ماجربت
وبوتانكس من بوتس الى الآن تحت التجربه

  

tonic:
التونيك ينقي الوجه ويشيل بقايا اي شي

ويسكر المسامات عن الغبار وغيره
صاحبات المسام الواسعه لازم يكون عندهم
غالبن يجي بشكل سايل خفيف يشبه المويه ويستخدم بقطنه
اللي عندي تونيك لوريال وأكثر شي استخدمه بعد ما امسح الميك اب
او اذا رجعت من مشوار قصير

  

lotion:
مهمته ترطيب وحماية الوجه
وطبعن حماية البشره من التجاعيد مستقبلن

 اتركيه 5 دقايق تتشربه بشرتك
وبعدها تقدرين تبدين بالميك اب
بتلاحظين النتيجه تفرق كثيير مع اللوشن وبدونه

لو هيئتي بشرتك بهالخطوات بتكون عندك احلى بشره

عاد مب تجي وحده بشرتها جافه وتحط باودر وتقول ليه وجهي اشهب؟

كذا غلط اختيارك للميك اب نفسه
لازم تختارين برودكت يناسب بشرتك حسب نوعها
عشان يصير الشكل النهائي مرتب وحلو مثلك

طيب وش سبب القشور؟

الجفاف

أو تراكم الجلد الميت فوق البشره

بكل الاحوال احرصي على التقشير بشكل اسبوعي وبعده لوشن مرطب

سو ديفاين من فور ايفر ممتاز جدن قبل الميك اب

 (بالصوره سامبل منه)

 والماسكات خاصه الطبيعيه تعطي وجهك نظاره وصحه

قريب ان شالله بنزل بوست عن الماسكات اللي جربتها وفادتني

مع السلامه♥

LOREAL hair dyeing

سلخير

اليوم بتكلم عن صبغات لوريال

تجربتي كانت لأربع درجات بأنواع ودرجات مختلفه

اول علبتين نوعها اكسلنس باختلاف الدرجه

النوع اللي تحت اكسلنس موس واللي جمبها كاستنق اللي هي خاليه من الامونيا

 الطريقه ماتختلف عن باقي الصبغات والمده نفسها
ماعدا اكسلنس موس تخلطينها بعلبه تجي مع الصبغه وتصير بشكل رغوه تتوزع ع الشعر
اعتقد هاذي كل الانواع اللي موجوده عند لوريال؟

بالنسبه لتجربتي مثل ماتشوفون اخترت درجات فاتحه لأني كنت ابي نتيجة لون فاتحه

اللون الاساسي للشعر قبل الصبغه بني فاتح جدن

النتيجه للاسف كانت فاشله
الشعر ماتفتح درجه وحده مع اني تركتها اكثر من ساعه
اول شي لاحظت اللون ظعيف + تقسي الشعره + سعرها غالي مقارنه بالصبغات الثانيه

طيب مين تناسب؟

اي وحده ماتبي تصبغ لون مجرد لمعه للشعر

انا لي تجربه ثانيه مع اللي بدون امونيا لحالها
وبصراحه اشوفها اسوأهم

التجربه كانت على شعر اشقر وكنت ابيه يصير بني
والنتيجه سيئه لون الشعر ماتغير وزياده على كذا تركت شوي جفاف

هي بس تعطيك لمعه بنيه او شقرا تبان فالنور القوي

فيه ناس بيستغربون؟ لأن المشاغل والصالونات الكبيره ماتستخدم الا لوريال
ويظبط اللون 80% تقريبن
اللي يحصل انهم يظاعفون كمية الاوكسجين
 وهالشي طبعن مب لصالح الشعر
لكن هم مايهمهم الا انهم يوصلون للون المطلوب والزبونه هي اللي تاكلها
ومع الوقت تحس بتلف وجفاف بشعرها مع تكرار الصبغات
ويله تبدى رحلة الترميم والشقا
حتى بعظهم ممكن يلجئون لسحب اللون
طبعن نسبة الاوكسجين اللي ينباع بالسوق 6% و 9% وفيه اعلى من كذا هو اللي موجود بالصالونات
كل مارتفعت النسبه وصلنا لدرجه افتح
بس مايستخدم نسب اعلى الا الخبيرات
اللي مالها خبره بالصبغات ودمج الالوان لاتلعب بشعرها

خلاصة التجربه لوريال شركه فرنسيه ممتازه كعنايه وحمايه للشعر
وبروفشنال بهالشي
لكن للصبغات تعتبر سيئه بكل انواعها لحد يشتريها


اشوفكم على خير ♥