August favorites

   "August Favorites"

صباحكم خير♥ 

اليوم بتكلم عن افظل اللي جربت لشهر اوقست

 Benefit Bathina body balm

زبده للجسم من بينيفت

بالسهرات ماستغني عنها

عادي تستخدم لأي مكان للساق واليدين والصدر

وتعطي لمعه ونعومه للجسم

 ريحتها هاديه وجميله

يجي معها اسفنجه واستخدامها سهل وسريع

Express nail polish remover

مزيل للمناكير من سيفورا

سريع وعملي جدن

مالاحظت انه أثر على اظافري بشكل سلبي

ريحته مقبوله مب مثل قوة الاسيتون.. وعلى طول تروح من اليدين

داخله اسفنجه بس تحطين اصبعك فيها والباقي عليه

بأقل من دقيقه يمسح المناكير

اهم شي انك تقفلين العلبه زين بعد كل استخدام عشان مايجف

Nyx cream blush

بلشر كريمي من نيكس

لونه وردي وسط مب فاتح ولا غامق

ممكن يستخدم روج بس بالنسبه لي استخدامي له بلشر اكثر شي

ثابت ولونه طبيعي وصباحي.. يناسب البشره الجافه بما ان قوامه كريميه

ويناسب باقي البشرات بس ممكن يكون اقل ثبات للدهنيه

بهالحاله حطي بلشر باودر فوقه وبيثبت ان شالله

عندك طريقتين للتوزيع يا اما بالبرش او تستخدمين اصبعك بالطبطبه على الخد

الفرشه اللي استخدمها

 F50

سواتش للون:

Too faced eye shadow primer

برايمر للعين من تو فيسد

ممتاز ومالقيت احسن منه للآن

تحطين منه على الجفن قبل الآي شدو

يبين اللون الحقيقي للشدو ويثبته طول المناسبه

جربت احطه اطول وقت تقريبن من بعد العشا للفجر وابدن ماتغير

انصح فيه خاصه للي يعانون من تكتل الشدو او من جفون دهنيه

 QV lip balm

مرطب للشفايف من كيو في

هالماركه معروفه للترطيب بشكل عام

انا استخدمه مره باليوم قبل النوم لأنه ثقيل شوي

لطيف ويمشي مع الشفه الحساسه ترطيبه حلو وفيه حمايه من الشمس

فيه بنات يستخدمون فازلين انا عني اشوفه غلط

الفازلين فيه ماده بتروليه ماظن تتحملها جلدة الشفايف لأنها جدن رقيقه

ممكن يكون مناسب اكثر للرجول يرطبها ويحميها من الجفاف

.. بس مارتاح له كمرطب للشفايف

اشوفكم قريب♥ 

المعلومات والاسعار التقريبيه

Benefit bathina body balm 149 S.R

Express nail polish remover 40 S.R

Nyx cream blush 05 glow 39 S.R

Too faced eye shadow primer 80 S.R

QV lip balm 45 S.R

حياكم الله

كيف أعرف نوع بشرتي؟
جافه - دهنيه - مختلطه - حساسه - عاديه

تحتاجين بس لمنديل نظيف
وتسوين هالشي اول ماتصحين من النوم

حطي المنديل على الوجه وخليه يوصل لكل منطقه فيه

::

البشره الدهنيه:

  *الدوائر بالصور هي المناطق الدهنيه

لو لاحظتي اثار دهون خاصه على الخدود والانف والجبهه فبشرتك دهنيه
وتلاحظين انها فأغلب الاوقات تكون تلمع او فيها مسامات او حبوب
متعبه شوي
لكن الشي الحلو ان الكبر والتجاعيد ماتبين فيها مع العنايه والتنظيف اليومي
احرصي ان مرطب الوجه يكون اويل فري او بترطيب بسيط عشان مايسد مسامات البشره ويخربها
عنايتك فيها: استخدمي صابون طبي ومرطب
وأي شي تستخدمينه لها لازم يكون خالي من الكحول

::

البشره المختلطه:

اغلب البنات عندهم هالنوع
المنديل بيكون فيه اثار دهون من الانف والجبهه وممكن الدقن
بس جاف من الخدود
هالبشره صعبه من ناحية العنايه لأن تحتارين تاخذين لوشن للبشره الجافه او للدهنيه
الحل
المناطق الجافه مثل الخدود وحول العين لابد ترطبينها بلوشن ترطيبه عالي
وباقي المناطق بمرطب عادي

او كريم خاص بالبشره المختلطه

::

البشره الجافه:

 *حددت اكثر المناطق جفاف
اذا لاحظتي المنديل نظيف ووجهك مشدود وجاف بعد المنديل فهي جافه
او قشور على البشره من فتره لفتره
هالنوع يبان فيها التجاعيد اسرع من البشرات الثانيه
وتحتاج لماسكات مكثفه وترطيب دائم.
عنايتك فيها: الترطيب والترطيب والترطيب

::

البشره الحساسه:

أكثر البشرات اللي لها مشاكل لأنها رقيقه وتحتاج معامله خاصه
تلتهب وتتحسس بسرعه
يعني لو حطيتي اي كريم/ماسك تحسين بقرصات خفيفه
عنايتك فيها: اي اكل او صابون معين أثر على بشرتك دوري له بديل
ولاتتركين بشرتك بدون ترطيب + خففي استخدام السكراب او المقشر قد ماتقدرين

::

البشره العاديه:

اذا ماشفتي اي اثار دهنيه وتحسين بشرتك طريه ونظيفه
فأنتي من صاحبات البشره العاديه "وهي أقل البشرات مشاكل"
عنايتك فيها: غسول خفيف ومسحة موية ورد وماسك كل اسبوعين

وبتصير زي الفل

اشوفكم على خير

Pore fessional from Benefit

 

سلخير

بتكلم اليوم عن منتج حبيته وصارلي اكثر من سنه استخدمه

the pore fessional

وظيفته يقلل من شكل مسامات الوجه اللي تطلع اكثر شي بمنطقة الخد / الانف بما انها مناطق دهنيه

قوام الكريم خفيفه وجدن ناعمه -

  يندمج مع البشره مايتكتل ولا يترك لون -

بالنسبه لي يقعد معي من 6 - 9 شهور واستخدامي له متكرر لأكثر من بنت -

طريقته سهله

تاخذين نقطه باصبعك وتحطينه على مكان المسام

وتوزعينه بشكل دائري

لو وزعتيه بطريقه ثانيه ممكن مايعطيك نتيجه حلوه وفرق

على طول بتلاحظين مظهر المسام خف بشكل كبير

الشي الحلو فيه انه ممكن يستخدم كـ بديل بيس الوجه قبل الميك اب
يعني مب بس للبنات اللي يعانون من المسام

 فائدة البيس يسهل توزيع الفاونديشن ويعطي وجهك مظهر مرتب وصافي اكثر

لكن لو مايعجبك اللوك المات او تميلين للديوي لوك لاتستخدمينه بيس.. استخدميه بس للمسام

على فكره هالمنتج شي مؤقت يعني مايعالج فقط يخفف من مظهر المسام او الاثار على الوجه

بصراحه ماندمت اني شريته مرتين نتيجته النهائيه مرظيه ولحد الآن ماشفت له سلبيات

139 سعره تقريبن

موجود بسيفورا وفيسز

اشوفكم على خير

TEST TEST 1 2 3

بسم الله أبدى أول بوست  لي

حياكم الله ببيتي الصغير خذو راحتكم وعلقو عباياتكم ورا الباب وتقهوو

 

أتمنى الله يوفقني واقدم لكم شي مفيد

اي اقتراحات / طلب ريفيو او غيره اسمعها بصدر رحب