بسم الله الرحمن الرحيم
عدنا والعود احمدٌ
💖💭رجعت للتدوين بعد انقطاع سنوات وحشتوني ووحشتني الكتابه
زي ماتعودتو علي اعطيكم الزبده من كل شي واليوم بتكلم عن تجربتي الشخصيه مع قطع الندبات وليزر الفراكشنال
طبيعة بشرتي؟
بشرتي مختلطه فيها مسام واثار خفيفه
خاصه في الفتره الاخيره صارت تطلع لي حبوب دهنيه في الانف والدقن وتطول ماتروح
واذا راحت.. تترك اثر
قررت اراجع عند الدكتور ماجد العيسى في عيادات الور.. طبيب متمكن مريح واخلاقه عاليه
اول ماشاف بشرتي وصف لي مظاد حيوي
تابوسين Tabocine
مع ديفرين
وقرر يعمل لي قطع ندبات وفراكشنل بجلسه وحده
وقال ارجعي لي اذا راحت الحبوب الان مانقدر نبدا لازم نهيأ البشره.. كيف؟ بالحبوب والديفرين وفعلن بعد تكنيك د. ماجد اختفت الحبوب 90% وحجزت موعد برمظان
مهم يابنات تختارين وقت ماعندك فيه ارتباطات ومناسبات لأن وجهك بيتقشر وبيحمر اسبوع
بعد شهر رجعت للدكتور وبشرتي صارت جاهزه لأول جلسة قطع ندبات
بسم الله بدينا
حدد الدكتور الاماكن المطلوبه لعمل الاجراء وبدأ بحقن البنج في وجهي عشان تتخدر المنطقه وما احس بألم
الاحساس مافيه الم نهائي
لكن فيه كمية دم تخوفك شوي.. دقايق ويوقف يعني الامر هين
للامانه يد الدكتور خفيفه ويريحك بأنه يشرح كل اجراء عشان تفهمين وش قاعد يصير
هاذا كله ما اخذ 10دقايق فقط!
خلصنا الآن من قطع الندبات
ونبدا بالسيد فراكشنال
حطو لي بنج موظعي كميه راهيه ودعيت ربي يكون برد وسلام على خديداتي
بدا الدكتور يشتغل بجهاز ليزر الفراكشنل
بتحسين بشوي الم حار وريحة حرق.. طبيعي
دقايق وانتهت جلسة الفراكشنل الحمدلله.. الالم كان بسيط لايذكر
لما خلصنا حسيت وجهي حار ويحرقني حطو لي كريم يهدي البشره
وصف لي الدكتور كريم مرطب استخدمه 5 مرات في اليوم+فيوسيدين
وكريم حمايه من الشمس وكريم تفتيح لمنع التصبغات
الحراره اللي حسيتها بوجهي خفت بعد نص ساعه من الجلسه
وكملت يومي عادي ووجهي مافيه اي فرق
بعد 6 ساعات من الجلسه
غسلت وجهي بغسول خفيف وكان يحرقني من المويه بس لكن تحملت
وجهي احمر وفيه نقط كنها مسامات من الفراكنشل
حطيت فيوسيدين وخفف علي الحراره كثييير.. كنك حطيتي ثلج على بشرتك
بعد ماتتشربه البشره حطي كريمك المرطب ونامي
انا بصراحه كنت خايفه من الكلام اللي اسمعه كثير يقولون ان الالم قوي وانه مثل الجمره ع الوجه
وبشرتك بتحمر مثل كذا
انا حكيت لكم تجربتي الشخصيه اللي ممكن ماتنطبق على غيري ولكن قلتها من باب الفايده
هاذا البوست بيتحدث اول بأول باذن الله
✋نقاط مهمه:
- احرصي على الترطيب انا ارطب وجهي بعد كل صلاه
- ممنوع تتعرظين للشمس منع بات
- ممنوع الميك اب وكريمات التقشير
ارحب بأي اقتراح وافرح بمشاركتكم
ان شالله اكون افدتكم
شكرا لوقتكم💖
