حياكم الله

كيف أعرف نوع بشرتي؟
جافه - دهنيه - مختلطه - حساسه - عاديه

تحتاجين بس لمنديل نظيف
وتسوين هالشي اول ماتصحين من النوم

حطي المنديل على الوجه وخليه يوصل لكل منطقه فيه

::

البشره الدهنيه:

  *الدوائر بالصور هي المناطق الدهنيه

لو لاحظتي اثار دهون خاصه على الخدود والانف والجبهه فبشرتك دهنيه
وتلاحظين انها فأغلب الاوقات تكون تلمع او فيها مسامات او حبوب
متعبه شوي
لكن الشي الحلو ان الكبر والتجاعيد ماتبين فيها مع العنايه والتنظيف اليومي
احرصي ان مرطب الوجه يكون اويل فري او بترطيب بسيط عشان مايسد مسامات البشره ويخربها
عنايتك فيها: استخدمي صابون طبي ومرطب
وأي شي تستخدمينه لها لازم يكون خالي من الكحول

::

البشره المختلطه:

اغلب البنات عندهم هالنوع
المنديل بيكون فيه اثار دهون من الانف والجبهه وممكن الدقن
بس جاف من الخدود
هالبشره صعبه من ناحية العنايه لأن تحتارين تاخذين لوشن للبشره الجافه او للدهنيه
الحل
المناطق الجافه مثل الخدود وحول العين لابد ترطبينها بلوشن ترطيبه عالي
وباقي المناطق بمرطب عادي

او كريم خاص بالبشره المختلطه

::

البشره الجافه:

 *حددت اكثر المناطق جفاف
اذا لاحظتي المنديل نظيف ووجهك مشدود وجاف بعد المنديل فهي جافه
او قشور على البشره من فتره لفتره
هالنوع يبان فيها التجاعيد اسرع من البشرات الثانيه
وتحتاج لماسكات مكثفه وترطيب دائم.
عنايتك فيها: الترطيب والترطيب والترطيب

::

البشره الحساسه:

أكثر البشرات اللي لها مشاكل لأنها رقيقه وتحتاج معامله خاصه
تلتهب وتتحسس بسرعه
يعني لو حطيتي اي كريم/ماسك تحسين بقرصات خفيفه
عنايتك فيها: اي اكل او صابون معين أثر على بشرتك دوري له بديل
ولاتتركين بشرتك بدون ترطيب + خففي استخدام السكراب او المقشر قد ماتقدرين

::

البشره العاديه:

اذا ماشفتي اي اثار دهنيه وتحسين بشرتك طريه ونظيفه
فأنتي من صاحبات البشره العاديه "وهي أقل البشرات مشاكل"
عنايتك فيها: غسول خفيف ومسحة موية ورد وماسك كل اسبوعين

وبتصير زي الفل

اشوفكم على خير